Reklame

Facebook

Tekstet dhe disa nga fotot e ketij blogu mbrohen nga legjislacioni mbi te drejtat e autorit.. Powered by Blogger.

Followers



Sikur grate shqiptare te ishin te interesuara per te rejat mbi heqjen  graduale te qumeshtit te gjirit bebes se tyre, aq sa jane te interesuara per te rejat mbi veshjen, lukun dhe moden, bebet shqiptare do zinin vendin e pare ne top ten-in boteror te standartit të jetesës dhe rritjes se foshnjave dhe kur them kete, ne radhe te pare flas per vete.

Jemi injorante ne kete fushe dhe sa me pare ta pranojme kete aq me mire do te jete per bebet tona. Sot jam pak e nxehur mos ma vini re, prandaj vendosa te shkruaj dy fjale mbi kete argument.

Gjeja e pare qe duhet te bej eshte te shpjegoj, se kur emertoj me fjalen "injorance" dikë, veten time te paren, nuk kerkoj aspak falje, sepse nuk eshte ofendim, eshte thjesht sic ka thene nje profesoreshe pediater e njohur ne Universitetin e Romes "Kisha lexuar literaturen me te mundshme mbi truallin tokesor, kujtoja se i dija te gjitha dhe ne teori i dija.... por kur e mora ne krahe njomeshtinen time mu desh t'ia filloja cdo gje nga e para"

Thene kete, e perseris edhe nje here, ne kete blog do te gjeni me te rejat nga pediatret me te njohur te eksperiencave mbi rritjen e femijes, pra eksperiencen italiane, franceze, greke sigurisht duke i lidhur me ndjesite e mia si nene: mendimet, endrrat, lotet, netet pa gjume dhe me deshiren per te mos qene vetem para nje qenie te brishte, sic eshte ime bije.

Ky blog respekton dhe perkthen eksperiencen e pediatreve me ne ze, dhe kur behet fjale per ndihmen e shpejte, higjenen dhe menyren e te ushqyerit te bebes, e perseris per te gjithe vizitoret e rastesishem dhe te mirepritur te ketij kendi ne miniature, ruan firmen dhe i ben nje perkthim besnik profesionisteve, persa i perket perdorimit te ilaceve, gramatures se ushqimit dhe futjen e elementeve te rinj ne programet ushqimore. Gjithcka qe ka te beje me jeten dhe sigurine e femijes, ne kete blog nuk vihet sipas kokes dhe tekave te Eldes, por sipas fjales dhe keshillave te pediaterve te vendeve te ndryshme te botes, sidomos aty ku studimet kerkimore jane ne shkallet me te larta te zhvillimit.

Kjo bote eshte e bukur sepse ka vend per te gjithe dhe dielli na ngroh te gjitheve njelloj. Te gjithe ujerat pastaj kuptohet qe mbeten personale apo shoqerore. Askush s'ka te drejte ti denoje eksperiencat personale.

Ky kend blogu nuk u keshillohet mamave mitomane, egoiste, perfekte dhe pasunare njekohesisht. Ky blog i qendron afer nenave, qe hapin dollapin e tyre me zemer te ngrire, se sot mungojne mielli i orizit, vaji i ullirit, frutat apo perimet. U qendron prane atyre, qe qofte edhe nje here te vetme, kane pasur pak leke ne duar dhe kane bere zgjedhjen e dhimbshme hamletiane te koheve moderne "c'te bej me keto qindarka? Ti blej karte per te folur me ata te mite apo te blej qumesht per cunin?

U qendron afer atyre nenave, qe kur vijne diten e trete nga spitali, u iken qumeshti se nuk ushqehen ashtu sic duhet, u kushtohet edhe atyre nenave, qe edhe pse i kane te gjitha mjetet financiare, kerkojne c'eshte me e mira per femijen e vet dhe qe pediatret e familjes i duan te ulin koken mbi libra naten, te mos ngelen njezet vjet prapa me studime dhe ta quajne veten pediater. I kushtohet aty nenave, qe nuk ngrene zerin mbi nje nene tjeter: " cfare po ben me idiote se po e merr me qafe femijen..." por atyre, qe kur jane lodhur gjithe diten, gjejne kohen te ndajne me miket reale dhe virtuale nje eksperience te mundimshme, te veshtire, qe ecen mbi nje terren sizmik te tmerrshem, atyre qe edhe pse lindin me dhimbje, japin gji me therje ne mish, apo kujdesen te pagjuma, gjejne gezim te papershkruar, kur shtrengon neteve nje dore vogelushi.

I kushtohet nenave, qe pyesin ne sallen e lindjes mamite "kur do te mbaroje e gjithe kjo? " Dhe ajo ashper dhe e bezdisur qe nuk i ra ne dore nje peshk i majme ti pergjigjet  me ironi:

- "Pas tetembedhjete vjetesh ti zoje!"


0 comments: